माओवादीले कब्जा गरेको जग्गा फिर्ता गर्न माग
सिन्धुलीको सितलपाटी गाविस वडा नं। ३ सइनटारका इन्द्रबहादुर थापाले माओवादीले २०६३ सालमा कब्जा गरेको आफ्नो जग्गा फिर्ताको माग गर्दै जिल्ला प्रशासन कार्यालयमा निवेदन दर्ता गराउनु भएको छ । थापाले आफ्नो ३ रोपनी ८ आना जग्गा माओवादीले कब्जा गरि स्थानीय राजबहादुर थापालाई भोगचलन गन दिएको भन्दै निवेदन दर्ता गराउनु भएको हो । चलनचल्तीको मुल्यअनुसार आफ्नो जग्गाको मूल्य ६ लाख रुपैयाँ पर्ने पनि थापाले दावी गर्नुभयो । कब्जा गरिएको सम्पत्ति फिर्ता गर्ने सहमति पछि गृहमन्त्रालयबाट कब्जा घरजग्गाको निवेदन संकलन गर्न थालिएको निमित्त प्रमुख जिल्ला अधिकारी विमलराज पोखरेलले बताउनुभयो । उहाँले थापाले दिनुभएकॊ निवेदन उपर छिटै छानविन हुने पनि जानकारी दिनुभयो ।